يا بحر الصبر حمل بقايا الكاس
ومن بير المحبه ارجوك تسگيني
ويا حرفي اصبر ولا تترس الكراس
اخاف انفجر غفله وياك تدريني
الصاحب من يغدرك يعني صوچ الساس
الصاحب صدك طول العمر يشريني
مو ينثر كلامه ويندفع والناس
تنشر مستحه وعباله ياذيني
لاتصدك غشيم ومااعرفك زين
تدري الحرف دم يجري شراييني
من دفعوك وحروفك مثل تشرين
صبت كل مطرها بقصد تاذيني
ويمكن چان قصده يفيض الصوبين
ويوگع بينا وتضهر سچاچيني
بس گلبي چبير وما اعرف الشين
وما اغدر الصاحب واليلاشيني
مسامح دومه گلبي وناصع الچفين
امد ايدي بفرح والحزن ماليني
انه اليعرفني يعرف طبعي مثل الفاس
من اگطع فلا شجره التدانيني
خليكم بعيد وچلمة الدساس
صعبه هواي من الفضها ياعيني
بقلمي
الفرطوسي
Hashim alfartusi
ليست هناك تعليقات:
إرسال تعليق